د کابل ښار لویدیځ کې پر شپږمې امنیتې حوزې موټر بم چاودنه شوې چې په کې کابو ۱۰۰ تنه ټپیان شوي دي.
د عامې روغتیا وزارت ویاند وحیدالله مایار ویلي، چاودنې ۹۵کسان ټپیان کړي چې روغتون ته لېږدول شوي دي.
د کابل لویدیځ ته پر شپږمه امنیتي حوزه درنده چاودنه شوې.
کورنیو چارو وزارت لیکلي له چاودیدونکو توکو ډک موټر د شپږمې حوزې قرول سره الوځول شوی دی.
موټر بم برید د شپږمې حوزې او حربي ښوونځي ترمنځ شوی دی.
د کابل امنیه قومانداني وايي، چاودنه مرګ ژوبله لري خو تر اوسه یې کره شمیر نه دی مالوم.
چاودنه دومره زوروره وه چې تر لرو سیمو یې غږ اوریدل شوی.
