د کابل ښار شپږمې حوزې اړوند ساحه کې د نن سهار موټر بم برید کې اتلس تنه وژل شوي.
د کابل ښار شپږمې امنیتي حوزې ته څېرمه موټر بم برید کې اتلس تنه وژل شوي او له سلو زیات ټپیان دي.
تر اوسه دا نه ده کره چې چاودنه کې د وژل شویو او ټپیانو په ډله کې څومره ملکیان او نظامیان شامل دي.
دغه موټر بم برید نن سهار شاوخوا نهه نیمې بجې د شپږمې حوزې قرول ته څیرمه شوی دی.
دا په کابل کې یو له خونړیو بریدونو و چې، تر لرې سیمو یې کورونه او هټۍ نړولې او زیانمنې کړې دي.
طالبان وايي، برید دوی کړی او لسګونو امنیتي سرتیرو ته یې مرګ ژوبله اړولې ده خو امنیتي مسوولین وایي، چې د پېښې ډیری قربانیان ملکي وګړي دي.
