د پوهنې وزارت کې د نجونو د زدهکړو لپاره ځانګړې پالیسي رامنځته شوه.
پوهنې وزارت کې د نجونو د زده کړو لپاره ځانګړې پالیسي رامنځ ته شوه چې په اساس به یې زده کړو ته د نجونو لاس رسی زیات شي.
دې پالیسۍ کې ټول هغه موارد شامل دي چې د نجونو د زده کړو پر وړاندې خنډونه له مخې پورته کوي او پرمختګونو ته دروازې پرانیزي.
نږدې څلور میلیونه افغان ماشومان له زده کړو بې برخې دي چې له دې شمېر اویا سلنه یې نجونې جوړوي.
اوس د پوهنې وزارت کار کوي چې څنګه کیدای شي، د زده کړو پوښښ زیات او دا شمېره راکمه کړي.
ځینو سیمو کې ماشومان زده کړو ته لاس رسی نه لري او ځینو سیمو کې د فقر له کبله نه شي کولای زده کړې وکړي.
د هېواد لومړۍ میرمن چې دې وضعیت اندېښمنه کړې ، باور یې وښود که نجونې ښې وروزل شي او زده کړې وکړي، کولای شي کورنۍ او ټولنه کې اصلاحات راولي.
د یونسف له لوري د ځوانانو سفیره حنا اصفي وردګ هم د پوهنې وزارت نوې پالیسۍ ته خوښه ده چې د نجونو د زده کړو پروړاندې به ستونزې کمې کړي.
دې غونډې ته د پوهنې وزارت تمویل کووونکو هېوادونو استازي هم وربلل شوي و چې په کومو برخو کې د افغانانو لاسنیوی کولای شي.
ژمنه دا وه چې د زده کړو بهیر به له افغان زده کوونکو سره مرستو ته دوام ورکړي.
وروستي مالومات ښيي چې د پخوا په پرتله ښوونځیو ته ۷۵ سلنه د زده کوونکو جذب زیات شوی او پنځوس سلنه پوهنتونونو ته د محصلینو جذب زیات شوی دی.
