د ولسي جرګې یو شمېر غړي ټينګار لري، چې افغان لوری پوره صلاحیت لري او دوی ته دې د لوري په سترګه وکتل شي.
افغان حکومت د سعودي په جده کې د سولې په تړاو د ناستې جوړولو هر کلی کړی خو طالبانو بیا په دې غونډه کې له افغان لوري سره خبرې کول رد کړي دي.
د امریکا او طالبانو ناستو کې د افغان لوري نه منلو پوښتنې زیږولې خو افغان مسولین وايي، طالبانو ته د ګډون وړاندیز تکراروي.
طالبانو بیا له امریکا سره په خبرو کولو ټینګار لري او په افغانستان کې د جګړې اصلي اړخ امریکا یادوي.
طالبان په څلورم ځل دا ځل جده کې له امریکايي پلاوی سره ګوري او د افغان سولې په اړه ورسره ناسته لري.
دغې ناستې ته هم افغان لوري چمتوالی نیولی خو طالبانو بیا ددوی ګډون رد کړی او یوازې له امریکا سره یې په ناستې ټینګار کړی
طالبانو داسې ویلي ((موږ د یوه قوي او سنجول شوي پلان له مخې له امریکایانو سره د مذاکراتو بهیر پر مخ وړو تر څو زموږ له هېواد څخه پوځیان وباسي. هیله داده چې د مذاکراتو له پروسې سره سطحي چلند ونشي او نه هم چاته بې ځایه هیلې ورکړل شي، امریکایي جهت چې له اسلامي امارت سره د خبرو پروسې ته داخل شوی باید په ډيره سنجیدګۍ سره پرمخ لاړ شي.))
که له یوې خوا طالبان له افغان حکومت سره مخامخ خبرې کول ردوي، خو له بلې خوا افغان حکومت بیا پلاوي ټاکي چې له طالبانو سره مخامخ خبرې وکړي او له پلاوي سره د طالبانو نه لیدل د طالبانو سیاسي ماتې یادوي.
د ولسي جرګې یو شمېر غړي ټينګار لري، چې افغان لوری پوره صلاحیت لري او دوی ته دې د لوري په سترګه وکتل شي.
د افغان حکومت پخواني چارواکي بیا باور لري چې د افغان حکومت له ګډون پرته که هر لوری د افغان سولې پروسه باندې بحث کوي، پایلې به یې نیمګړې وي.
امریکا له طالبانو سره درې ناستې کړې او څلورمه هغه یې د سعودي عربستان په جده ښار کې تر سره کیږي.
افغان حکومت له سعودي مننه کړې د سولې پروسې ملاتړ کوي او په دې برخه کې خپل رول ښيي.
